Ամէն տարուայ պէս, Մայիս 1-ը մեր եկեղեցւոյ ընտանիքին համար Փիքնիքի եւ ուրախ հանդիպման օր մըն է՝ օր մը, որ բոլորս ալ սիրով եւ խանդավառութեամբ կը սպասենք։ Այս տարի ալ ունեցանք գեղեցիկ ժամանակ մը՝ լեցուն ընկերային պահերով, ուրախութեամբ, փառաբանութեամբ եւ միասին թանկագին յիշատակներ ստեղծելով։
Բոլորը ամբողջ սրտով ծառայեցին․ ոմանք ճաշ պատրաստեցին, ուրիշներ խորովածով զբաղեցան, իսկ շատեր սիրով օգնեցին ու ժամանակ անցուցին իրարու հետ՝ սիրոյ մէջ։
Շնորհակալ ենք Աստուծոյ Քրիստոսով իբրեւ մէկ ընտանիք միասին հաւաքուելու օրհնութեան համար։
