I. Շնորհքները միայն հաւատքով կը կիրարկուին:

  • Եթէ մեր շնորհքներուն եւ Տիրոջ կողմէ թելադրուածներուն.
    1. Սրտանց հնազանդինք
    2. Դժուարութեան ատեն չյուսահատինք
    3. Ուշացման պարագային չդժգոհինք
  • Յարմար ժամանակին Աստուծոյ նպատակը երեւան պիտի ելլէ:

II. Յովսէփ հաւատաց երազին (Ծն 37.5,9-10):

  1. Յովսէփ երազներ տեսնելու եւ զանոնք մեկնելու շնորհքը ունէր:
    • «Յովսէփ երազ մը տեսաւ ու իր եղբայրներուն պատմեց […]» (հմր 5):
    • «Ուրիշ երազ մըն ալ տեսաւ ու զանիկա իր եղբայրներուն պատմեց ու ըսաւ. “Ահա երազ մըն ալ տեսայ: Ահա արեւն ու լուսինը ու տասնըմէկ աստղեր ինծի երկրպագութիւն ըրին”: Երբ իր հօրը ու եղբայրներուն պատմեց, հայրը յանդիմանեց զանիկա ու ըսաւ անոր. “Ի՞նչ է այս քու տեսած երազդ. միթէ ես ու քու մայրդ եւ քու եղբայրներդ իրաւցնէ՞ պիտի գանք մինչեւ գետին քեզի խոնարհութիւն ընելու”» (Ծն 37.9-10):
  2. Յովսէփի տեսած երազը իրեն իշխանութիւն կը խոստանար:
    1. Բայց երբ այդ մասին արտայայտուեցաւ, եղբայրները եւ նոյնիսկ հայրը յանդիմանեցին զինք:
    2. Այդ միջոցին, Սատանան՝ եղբայրներուն ատելութիւնը օգտագործելով, պատճառ եղաւ, որ Յովսէփ Եգիպտոս գերութեան ղրկուի:
    3. Թշնամին կը պատերազմի մեր շնորհքներուն դէմ եւ կը փորձէ զանոնք գործածելէն հեռու պահել մեզ:
  3. Յովսէփ հաւատարիմ մնաց Աստուծոյ եւ հաւատաց իր շնորհքին:
    • Ան իր հաւատքով շնորհք գտաւ Պետափրէս դահճապետին առջեւ, որ իր կարգին զայն իր ամբողջ ստացուածքին վրայ վերակացու դրաւ (Կարդա՛ Ծն 39.4):
    • Սատանան հակառակեցաւ կիրքի ճամբով
      1. Տեսնելով, որ Յովսէփ յաջողութիւն կը գտնէ եւ Աստուծոյ կողմէ եղած խոստումին պիտի արժանանայ, Սատանան Պետափրէս դահճապետին կնոջ միջոցաւ սուտ զրպարտութիւն ըրաւ եւ բանտ դնել տուաւ Յովսէփը:
      2. Հմր 21- «Բայց Տէրը Յովսէփին հետ էր ու ողորմութիւն ցուցուց անոր եւ բանտապետին առջեւ շնորհք գտնել տուաւ անոր» (Կարդա՛ Ծն 39.7-21):
      3. Բանտին մէջ կային թագաւորին գլխաւոր մատռուակը եւ գլխաւոր հացագործը: Հոն անոնց երազները մեկնեց եւ անոր մեկնութիւնը իրականացաւ (Կարդա՛ Ծն 40.1-23):
  4. Յովսէփ թագաւորին առջեւ հասաւ:
    • Ժամանակ մը ետք, Փարաւոն թագաւորը երազ մը տեսաւ, սակայն զանիկա մեկնող չգտնուեցաւ (Ծն 41.1-45):
    • Մատռուակապետը յիշեց Յովսէփի կարողութիւնը եւ այդ մասին պատմեց թագաւորին (հմր 9):
      1. Թագաւորը հրաման ըրաւ, որ Յովսէփը իր առջեւ բերեն (հմր 14):
      2. Յովսէփը բանտէն հանեցին եւ թագաւորին քով բերին:
      3. Յովսէփ իր շնորհքով մեկնեց երազը ու Եգիպտոսի երկրին կառավարիչը եղաւ (Կարդա՛ Ծն 41.1-45):
  5. Յովսէփ երկար ժամանակ իր հաւատքին եւ շնորհքին համար հալածուեցաւ Սատանային կողմէ: Սակայն հաւատարիմ ըլլալուն պատճառով, Յովսէփ կրցաւ խոստումը կատարուած տեսնել:

III. Իրենց տրամաբանութեամբ դիտելնուն պատճառով, շատեր մերժած են եւ դէմ դրած են շնորհքին ու խոստումներուն: Օրինակի համար՝ Ասորի Նէեմանը:

  1. Ան բուժուեցաւ մարգարէին խօսքով (Դ.Թգ 5):
    • Նէեման Ասորիներու թագաւորին զօրագլուխն էր, բայց բորոտ էր (հմր1):
    • Ան լսեց, որ Իսրայէլի մէջ կար մարգարէ մը, որ կրնար բժշկել զինք բորոտութենէն (հմր 2-3):
    • Ասորիներու թագաւորը անոր հետ Իսրայէլի թագաւորին նամակ մը ղրկեց, ըսելով. «[…] “Արդ, երբ այս նամակը քեզի հասնի, գիտցած ըլլաս որ իմ ծառաս Նէեման քեզի կը ղրկեմ, որպէսզի զանիկա իր բորոտութենէն բժշկես”» (հմր 6):
      1. Կարդալով նամակին բովանդակութիւնը, Իսրայէլի թագաւորը վախցաւ եւ հանդերձները պատռեց (հմր 7):
      2. Իսրայէլի վրայ թագաւոր ըլլալով հանդերձ, պահանջուած հրաշքը կատարելու կարող Աստուածը չէր ճանչցած:
  2. Եղիսէ մարգարէ արթուն կերպով Աստուծոյ շնորհքը ստանալու նուիրուած անձ մըն էր (կարդա՛ Դ.Թգ 2.1-14):
    • Իր ունեցած շնորհքին կը հաւատար (Դ.Թգ 2.13-14):
    • Երբ թագաւորին ըրածները լսեց, լուր ղրկեց, ըսելով. «Թող անիկա ինծի գայ ու գիտնայ, թէ Իսրայէլի մէջ մարգարէ կայ [...]» (հմր 8):
    • Նէեման Եղիսէի քով գնաց, եւ Եղիսէ ըսաւ. «Գնա՛ Յորդանանի մէջ եօթը անգամ լուացուէ՛. մարմինդ քեզի պիտի դառնայ ու պիտի մաքրուիս» (Դ.Թգ 5.10):
  3. Նէեման բժշկուելու համար շնորհքին չհաւատաց սկիզբը:
    • Յատուկ ծէս մը կ'երեւակայէր, որ պէտք էր ըներ (տե՛ս Դ.Թգ 5.11-12):
      • Երբ Աստուծոյ շնորհքը իր ակնկալութենէն տարբեր ձեւ մը առաջարկեց, ան չկրցաւ ընդունիլ այդ ձեւը եւ այդ պատճառով բարկացաւ:
        1. Այդ ջուրին մէջ շատեր կը լուացուէին, սակայն ո՛չմէկը կը բժշկուէր:
        2. Բայց Նէեման Աստուծոյ խօսքին հնազանդելով մտաւ անոր մէջ, եւ «Անոր մարմինը պզտիկ տղու մը մարմինին պէս եղաւ ու մաքրուեցաւ» (հմր 14):
  4. Երբ Յիսուսի հետեւող աշակերտները տրամաբանութեամբ ընկալեցին Անոր խօսքերը, ըսին. «Դժուար ընդունելի է ըսած խօսքդ, ո՞վ կրնայ մտիկ ընել» (Յհ 6.60):
  5. Տիրոջ խօսքին հաւատալով բժշկուեցաւ ի ծնէ կոյրը եւս, երբ Յիսուսի խօսքին հնազանդելով գնաց եւ Սելովամի մէջ աչքերը լուաց (Կարդա՛ Յհ 9.1-7):
  6. Դուն ալ Աստուծոյ խոստումները պիտի տեսնես, եթէ վստահութեամբ ՇՆՈՐՀՔԻԴ ՀԱՒԱՏԱՍ:
Նախորդ Հրապարակում Աստուած Կը Զօրացնէ Եւ Կը Հաստատէ
Յաջորդ Հրապարակում Երբ Յիսուս Կը Զգուշանայ (Յովհաննու 7.1-14)